किन निलम्बित भएन आयल निगमका निर्देशक खड्का ?



काठमाडौं, साउन २५
नेपालमा आयल निगमको जग्गा खरिद घोटला प्रकरण सडकदेखि सदनसम्म छरपस्ट छ। जग्गादेखि संसदीय समितिको एउटै निष्कर्ष छ-‘जग्गा खरिदमा करौडौं अनियमितता भएकै हो।’

आजको नागरिक दैनिकमा दिलीप पौडेल लेख्छन्-सार्वजनिक लेखा समितिले जगा खरिदमा अनियमितता भएको ठहर गर्दै निगमका कार्यकारी निर्देशक गोपाल खड्कामाथि कारबाही गर्न सम्बन्धित निकायलाई सिफारिस गर्‍यो। भ्रष्टाचार अभियोग लाग्नासाथ प्रमाण नष्ट गर्नसक्ने भन्दै सम्बन्धित अधिकारीलाई निलम्बन गरेर थप अनुसन्धान गर्ने परम्परा छ ।

तर, निगमका कार्यकारी दिर्नेशक खड्का नियमित कार्यालय आएर काम गरिरहेका छन्। सरकारी अधिकारी र सांसद भन्छन्- करोडौं घोटालाको आरोप लागेका खड्का राजनीतिक नेतृत्वको संरक्षणकै कारण अझै निलम्बनमा परेका छैनन्।’ आपूर्ति मन्त्री शिवकुमार मण्डल भने आफू राजधानी बाहिर रहेको र राजधानी फर्किएलगत्तै खड्कामाथि कारबाही थाल्ने बताए।

खड्काले झापा, भैरहवा, चिवतन र सर्लाहीमा अनियमितता गरेर कमाउको रकमले उच्च राजनीतिक नेतृत्वलाई चित्त बुझाएएकै कारण कारबाही प्रक्रिया अघि बढ्न नसकेको शंका सांसदहरूको छ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2021 Deshko News