सुनको भाउ तीन सय रुपैयाँले बढ्यो

काठमाडौं, साउन २५
नेपाली बजारमा सुनको मूल्य आज तीन सय रुपैयाँले बढेको छ । आज सुनको मूल्य प्रतितोला ५४ हजार चार सय रुपैयाँ पुगेको छ । हिजो (मंगलबार) सुन प्रतितोल ५४ हजार एक सय रुपैयाँमा कारोबार भएको थियो।

त्यस्तै, आज चाँदीको मूल्य पनि १० रुपैयाँले बढेको छ । आज चाँदी प्रतितोला सात सय ३५ रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।