एकैरातमा १२ विद्यालयमा आक्रमण



इस्लामावाद, साउन १९
पाकिस्तानको उत्तरी गिल्गीत बालटिस्तान क्षेत्रमा रहेका १२ ओटा विद्यालयमा आक्रमण भएको छ ।

अज्ञात आक्रमणकारीहरुले एकैरातमा ती विद्यालयहरुमा हिंसात्मक हमला गरेपछि स्थानीय बासिन्दा त्रसित भएका छन् ।
तुलनात्मक रुपमा अन्य क्षेत्र भन्दा बढी शान्त मानिने बाल्टिस्तानमा अहिले अतिवादीहरुको गतिविधि बढेको अधिकारीहरूले शुक्रबार बताएका छन् ।

उनीहरुले आक्रमणमा परी कुनै मानवीय क्षति भने नभएको जनाएका छन् । आक्रमणकारीहरुले विषेश गरेर छात्रा विद्यालयहरुलाई बढी लक्षित गरेको देखिएको छ । “आक्रमणकारीहरुले डाइमिर जिल्लामा रहेका १२ ओटा विद्यालयहरुलाई ध्वस्त पार्ने प्रयास गरेका छन्,” क्षेत्रीय गृह सचिव जवाद अक्रामले भन्नुभयो ।

उहाँले एएफपीसँग थप भन्नुभयो, “आक्रमणकारीहरुले ती विद्यालयहरु मध्ये केही विद्यालयमा आगलागी समेत गराउने प्रयास गरेका थिए भने कतिपयमा विद्यालयको झ्याल तथा ढोका फोडेका छन् ।”

गृह सचिव जवादले घटनाका बारेमा स्थानीय सरकारले अनुसन्धान सुरु गरिसकेको जानकारी पनि दिनुभएको छ । पाकिस्तानको गिल्गीत बालटिस्तान तुलनात्मक रुपमा अन्य ठाउँ भन्दा कम हिंसा प्रभावित ठाउँ मानिन्छ । रासस÷एएफपी

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2021 Deshko News