भारतीय हस्तक्षेपको बिरोधमा, अोर्लिए युवा सडकमा (हेर्नुहोस् फोटो-भिडियो)

भोजपुर, असोज १०
भारतीय हस्तक्षेपको बिरोधमा भोजपुरका युवाहरु सडकमा ओर्लिएका छन् । युवाहरुले अपरान्ह सदरमुकाममा जुलस निकालेर भारतीय हस्तक्षेपको विरोध गरेका छन् ।

एमाले निकट अनेरास्ववियुले निकालेको जुलुसमा संविधान जारी भएपछि भारतले नाकाबन्दी गरेको भन्दै भारतविरुद्ध चर्काे नाराबाजी गरेका थिए । नेपाली जनताबाट चुनिएका प्रतिनिधिको अत्याधिक बहुमतले जारी संविधानको स्वागत गर्नुको सट्टा भारतले नांगो हस्तक्षेप गरेको भन्दै उनिहरुले आन्दोलन जारी राख्ने बताएका छन् ।

उनिहरुले नेपाल भूपरिबेष्ठित देश हो नाकाबन्दी गर्न पाईदैन्, हामी नेपाली एक हौ, नेपाली जनताको स्वतन्त्रता माथि हस्तक्षेप गर्न पाईदैन जस्ता नारा लगाएका थिए भने भारतबिरुद्ध चर्काे नाराबाजी गरेका थिए । युवाहरुले टाउँको कालोपट्टी बाँधेर विरोध जनाएका छन् भने भारतविरुद्धका प्ले कार्ड बोकेर सडकमा नाराबाजी गरेका थिए ।

लोकतान्त्रिक गेटबाट शुरु भएको जुलुस चारभन्ज्याङमा गएर कोणसभामा परिणत भएको थियो । कोणसभालाई अनेरास्ववियुका पूर्व केन्द्रिय सचिवालय सदस्य ध्रुव राज राईले सम्बोधन गरेका थिए ।

 

भिडियो हेर्नुहोस्