नयाँ संविधान जलाउन जनकपुर जाँदै बाबुराम



baburam-bhattaraiजनकपुर, असोज १२

जनकपुरमा पूर्व प्रधानमन्त्री डा. बाबुराम भट्टराईको उपस्थितिमा नयाँ संविधानको प्रति जलाइने भएको छ । एमाओवादीका असन्तुष्ट मधेसी नेताहरु र मधेसी मोर्चाबीच मंगलबार भट्टराईको उपस्थितिमा नयाँ संविधानको प्रति जलाउने सहमति भएको हो ।

यससँगै मधेसी मोर्चाले पनि भट्टराईको स्वागत गर्ने भएको छ । भट्टराई नयाँ संविधान निर्माणका सबैभन्दा महत्वपूर्ण मानिएको संवैधानिक राजनीतिक सम्वाद तथा सहमति समितिका सभापति थिए ।

तर, नयाँ संविधाान घोषणासँगै भट्टराईले सार्वजनिक रुपमै मधेसी, थारु, जनजातिलाई सम्बोधन नभएको भन्दै असन्तुष्टि जनाएका थिए । पूर्व प्रधानमन्त्री भट्टराईले शनिबार एमाओवादी र संसद सदत्य परित्यागको घोषणा गरे ।

तर, मधेसी मोर्चाले भट्टराईको जनकपुर भ्रमणमा अवरोध गर्ने बताएपछि राष्ट्रिय मधेसी मुक्ति मोर्चाले वार्ता गरेका थिए । वार्तामा नयाँ संविधानको मधेस विरोधी दफा जलाउने सहमति भएको राष्ट्रिय मधेसी मुक्ति मोर्चाका अध्यक्ष रामकुमार शर्माले अनलाइनखबरलाई जानकारी दिए ।

‘यो संविधानको मधेस विरोधी दफाहरुको हामीले विरोध गर्दै आएका थियौं । उहाँहरुले त्यसलाई जलाउने माग राख्नु भएको थियो । हामीले सहमति दिएका छौं’ शर्माले भने ।

साथै माओवादीका नेताहरु माओवादीको व्यारनमा नभई मधेस जनआन्दोलन समिति, धनुषाको व्यानरमा आन्दोलनमा उत्रने सहमति भएको छ । नेता शर्माका अनुसार अब जनकपुरमा हुने भट्टराईको स्वागत कार्यक्रममा मधेसी मोर्चाका नेता कार्यकर्ता समेत सहभागी हुने छन् ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
सम्पादक : अंकुश कुँवर
     
           
facebook
© 2021 Deshko News