नेपाली फुटबल टिमकाे प्रगतिः फिफा वरियतामा ८ स्थान माथि

काठमाडौं, माघ २१

२३ वर्षपछि अन्तर्राष्ट्रिय उपाधि जित्ने नेपाली राष्ट्रिय फुटबल टिमले अर्काे प्रगति गरेको छ । विश्व फुटबल (फिफा) वरियतामा नेपाल ८ स्थान माथि उक्लिएको हो । विहीबार फिफाद्धारा सार्वजनिक वरियता तालिकामा नेपाल १ सय ८८ औं स्थानमा आइपुगेको छ ।

यसअघि भारतमा भएको दक्षिण एशियाली खेलकुदमा श्रीलंका र भारतसँग पराजित भएसँगै १ सय ९६ औं स्थानमा झरेको नेपालले बंगलादेशको बंगबन्धु कपमा गरेको उत्कृष्ट प्रदर्शनले वरियतामा माथि उक्लिएको हो ।