बसको ठक्करबाट पैदल यात्रुको मृत्यु, गाडी ‘व्याक’ गरेर मारेको आरोप
काठमाडौं, असोज १५
ललितपुरको सुनाकोठीमा बसको ठक्करबाट एक पैदल यात्रुको मृत्यु भएको छ ।
लगनखेलबाट लेले गइरहेको बा४ख ८६५० नम्बरको बसको ठक्कबाट बाटो काटिरहेका ७० वर्षीय रुकु कार्कीको मृत्यु भएको महानगरीय परिसर ललिपुरका एसएसपी टेकप्रसाद राईले जानकारी दिए ।
प्रहरीकाअनुसार पैदल यात्रु कार्कीलाई बस चालकले गाडी व्याक गरेर मारेका हुन् । स्थानीयले पनि यस्तै आरोप लगाएका छन् ।
स्थानीयले शव उठाउन दिएका छैनन् । बस चालक र सहचालक भने फरार भइसकेको प्रहरीले जनाएको छ ।
प्रकाशित मिति: १५ आश्विन २०७६, बुधबार