काठमाडौं, असोज ३०

नेपाली क्रिकेट टोलीका लेग स्पीनर सन्दीप लामिछाने युएईमा हुने टि–१० क्रिकेट लिगमा अनुबन्ध भएका छन्। युनाइटेड अरब इमिरेट्स (युएई) अर्थात दुबईमा नोभेम्बर १५ देखि सुरु हुने प्रतियोगितामा सन्दीप ४५ हजार अमेरिकी डलरमा अनुबन्ध भएका हुन्।

उक्त लिगमा सन्दीप कर्नाटक टस्कर्सबाट खेल्नेछन्। सन्दीपलाई कर्नाटक टस्क्सले क्याटोगरी ‘ए’ बाट राखेको छ। कर्नाटक टस्कर्समा दक्षिण अफ्रिका पूर्वओपनर हसिम हमला र प्रशिक्षक टम मुडी छन्। सन्दीपले यसअघि इण्डियन प्रिमियर लिग, क्यारेबियन प्रिमयर लिग र अन्य थुप्रै अन्तर्राष्ट्रिय गेम खेलिसकेका छन्।