प्रिमियर लिग : युनाइटेडको उत्कृष्ट पुनरागमन



काठमाडौं, मंसिर १५
एडिसन कभानीको प्रेरणामा म्यान्चेस्टर युनाइटेडले साउथह्याम्पटनबिरुद्ध उत्कृष्ट पुनरागमन गरेको छ ।

आइतबार भएको खेलमा युनाइटेडले दुई गोलले पछि परेको स्थिति उल्टाउँदै ३–२ को जीत हासिल गरेको हो ।

मार्कस ग्रीनवुडको स्थानमा दोस्रो हाफमा मैदान प्रवेश गरेका ३३ वर्षीय उरुग्वेयन स्ट्राइकरले दुई गोल गर्नुका साथै एक गोलको अवसर सिर्जना गर्दै युनाइटेडलाई जीत दिलाए ।

यसअघि जेम्स वार्ड प्राउसेले साउथह्याम्पटनलाई पहिलो हाफमा दुई गोलको अग्रता दिलाएका थिए । २३ औँ मिनेटमा जान बेडनारेकलाई गोलको अवसर सिर्जना गरेका उनले १० मिनेटपछि फ्रिकिकबाट गोल गर्दै साउथह्याम्पटनको अग्रता दोब्बर दोस्रो बनाए ।

युनाइेडले आफ्नो इतिहासमा पहिलोपटक घरेलु मैदान बाहिर खेलिएका लगातार ८ खेल जित्न सफल भएको छ । जीतपछि युनाइटेड लिगको आठौँ स्थानमा उक्लिएको छ । साउथह्याम्पटन पाँचौ स्थानमा छ ।

प्रतिक्रिया दिनुहोस्
सामजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
सम्पादक : अंकुश कुँवर
     
           
facebook
© 2021 Deshko News