सुपर लिगको उपाधिका लागि काठमाडौं र धनगढी मैदानमा उत्रिँदै




काठमाडौं, जेठ १
काठमाडौंमा जारी नेपाल सुपर लिग (एनएसएल) फुटबलको उपाधिका लागि काठमाडौं रेजर्स र धनगढी एफसी भिड्ने भएका छन् ।

दशरथ रंगशालामा आज साँझ हुने खेलपछि नेपालमा पहिलो पटक आयोजना भएको फ्रेन्चाइज फुटबलले आफ्नो पहिलो च्याम्पीयन पाउँदैछ ।

नेपाल स्पोर्ट्स एण्ड इभेन्ट म्यानेजमेन्टले अखिल नेपाल फुटबल संघ एन्फाको प्राविधिक सहयोगमा आयोजना गरेको यो प्रतियोगितामा विभिन्न शहरलाई प्रतिनिधित्व गर्दै ७ टोलीले सहभागिता जनाएका थिए ।

राउण्ड रोविन लिगको आधारमा भएका २४ खेलपछि धनगढी र काठमाडौं फाईनलमा पुगेका हुन् । लिग चरणमा काठमाडौं सर्वाधिक १३ अंक जोडेर पहिलो हुँदा १० अंक जोडेको धनगढी दोस्रो भएको थियो ।

फाइनलअघि नै यी दुई टोली एकआपसमा दुई पटक खेलिसकेमा छन् । दुव खेलैमा धनगढी विजयी भएको थियो । लिग चरणमा धनगढीले काठमाडौंलाई ३–० ले पराजित गरेको थियो ।

यस्तै पहिलो क्वालिफायरमा धनगढीले काठमाडौंलाई २–१ ले हराएर फाइनलमा स्थान बनायो । काठमाडौंले भने फेरि दोस्रो क्वालिफायर खेल्ने अवसर पायो र ललितपुर सिटीलाई ३–० ले पराजित गर्दै धनगढीसंगको फाईनल भिडन्त पक्का ग¥यो ।

नेपाली राष्ट्रिय टोलीका पहिलो रोजाईका गोलरक्षक किरण चेम्जोङको कप्तानीमा धनगढी खेल्दैछ । यसैगरी काठमाडौको कप्तानी राष्ट्रिय टोलीका अर्का गोलकिपर विकेश कुथुले समालिरहेका छन् ।

प्रतिक्रिया दिनुहोस्
सामजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
सम्पादक : अंकुश कुँवर
     
           
facebook
© 2021 Deshko News