काठमाडौं, कात्तिक ९

नेपाली कांग्रेसका सांसद एवं स्वास्थमन्त्री गगन थापाले लोकमानमाथिको महाअभियोगले दलहरुबीच बढेको दुरीलाई हटाउने अवसर बन्न सक्ने बताएका छन् ।

ब्यवस्थापिका संसदमा मंगलबार महाअभियोग सम्बन्धमा बोल्दै मन्त्री थापाले आपसमा राम्रो बोल्न पनि नसकिरहेको बेला महाअभियोग प्रस्तावले संविधान संसोधन र कार्यान्वयनका लागि सबैलाई एकै ठाउँमा उभ्याउने विषय बन्न सक्ने बताए ।

त्यसैले महाअभियोग प्रस्ताव कसले दर्ता गर्यो वा कसले कहिले निर्णय गर्यो भन्ने कुरामा नअल्झिएर गलत कामका विरुद्ध सबै एकजुट हुनुपर्नेमा उनले जोड दिए ।