नाकाबन्दी गरेर दुःख दिने भारतका राष्ट्रपतिको स्वागत गर्न नसकिने भन्दै पोखरामा तोडफोड
![](https://www.deshkonews.com/wp-content/uploads/2016/11/Gate-todfod-pokhara-650x351.jpg)
काठमाडौं, कात्तिक १८
नेपालको तीन दिने राजकीय भ्रमणका क्रममा काठमाडौंमा रहेका भारतीय राष्ट्रपति प्रणव मुखर्जी पोखरा जानु अगावै पोखरामा विरोध सुरु भएको छ ।
नाकाबन्दी गरेर सारा नेपालीलाई दुःख दिने भारतका राष्ट्रपतिको स्वागत गर्न नसकिने भन्दै पोखरामा स्थानीय युवाहरुले बुधबार राति मुखर्जीको स्वागतमा बनाइएको स्वागत गेट तोडफोड गरेका छन् ।
उनीहरुले गेटमा स्वागत छ पोखरामा भनेर लेखिएको फ्लेक्स र राष्ट्रपति मुखर्जीको फोटो च्यातेका छन् ।
कास्कीका प्रहरी प्रवक्ता डीएसपी गजुसिद्धी बज्राचार्यले गेटमा सामान्य च्यातिएको बताए । उनका अनुसार सो स्थानमा च्यातिएको फ्लेक्स निकालेर प्रहरीले नयाँ फ्लेक्स लगाइसकेको छ ।
स्वागत गेटको सुरक्षा तथा राष्ट्रपति मुखर्जीको सुरक्षाका लागि पोखरा सहरभरी अहिले प्रहरीले निरन्तर गस्ती गरिरहेका छन् ।
भारतीय राष्ट्रपति मुखर्जीको शुक्रबार पोखरा भ्रमणमा जाने कार्यक्र रहेको छ ।
प्रकाशित मिति: १८ कार्तिक २०७३, बिहिबार