काश्मिरका पृथकतावादी शीर्ष नेता यासिन मलिकलाई जन्मकैद

एजेन्सी, वैशाख १२
भारतको एक अदालतले वरिष्ठ काश्मिरी पृथकतावादी नेता यासिन मलिकलाई आतंकवादका लागि आर्थिक सहयोग गरेको अभियोगमा जन्मकैद सजाय सुनाएको छ ।

उनलाई आतंकवादी गतिविधिका लागि आर्थिक सहयोग गरेको र आपराधिक षड्यन्त्रमा संलग्न रहेको अभियोगमा दोषी ठहर गरिएको हो ।

मलिकले आफूले नब्बेको दशकमा हातहतियार त्यागेको अदालतसमक्ष बयान दिएका थिए । उनलाई गत साता दोषी करार गरिएको थियो ।

अधिकांश हिन्दु बाहुल्य रहेको भारत सरकारविरद्ध सन् १९८९ देखि सुरु भएको सशस्त्र आन्दोलनमा मुस्लिम बाहुल्य काश्मिरमा दसौँ हजार व्यक्तिले ज्यान गुमाइसकेका छन् ।

एनडीटीभीकाअनुसार ५६ वर्षीय मलिकलाई राजधानी दिल्लीस्थित अदालतले दुईवटा आजीवन र पाँचवटा दस वर्षीय कारावास सुनाएको हो ।