धरानका मेयर साम्पाङ र काठमाडौंका मेयर बालेनबीच जुहारी



काठमाडौं, भाद्र २
धरान उपमहानगरपालिकाका मेयर हर्क साम्पाङ र काठमाडौं महानगरपालिकाका मेयर बालेन शाहबीच सामाजिक सञ्जालमा जुहारी चलेको छ ।

केही दिनअघि मात्रै काठमाडौं आएका मेयर साम्पाङले यहाँको फोहोरको विषयलाई लिएर सामाजिक सञ्जालमा बेलाबेला स्ट्याटस लेख्न थालेपछि काठमाडौंका मेयर बालेन आक्रोशित भएका छन् ।

लामो समयदेखि विभिन्न विवाद र व्यवस्थापनमा कमीका कारण काठमाडौं महानगरपालिकाको फोहोर उठ्न सकेको थिएन् । आइतबारबाट भने फोहोर व्यवस्थापनको काम पुनः सुरु भएको छ ।

धरानका मेयर साम्पाङले काठमाडौँबाट फर्केलगत्तै बुधबार साँझ सामाजिक सञ्जालमा लेखे-‘जसले जे भनोस्, म काठमाडौँ नगएको भए फोहोर उठ्ने थिएन रैछ। कमसेकम काम त सुरु गरे !’

राईले सामाजिक सञ्जालमा यस्तो पोस्ट गरेसँगै काठमाडौं महानगरपालिकाका मेयर बालेन शाहले पनि उनको कमेन्टमा ब्यंग्यात्मक शैलीमै जवाफ फर्काएका छन् ।

उनले पनि साम्पाङको स्टाटसको तल लेखिहाले ‘हो नि ! तपाईँकै लौरो चुनाव चिन्ह लिएर मैले चुनाव पनि त जितेको हो नि।’

‘देशको राजधानीलाई फोहोरको थुप्रोले पुरेर राख्न पाइँदैन १ मुख बजाउनु छोडेर पाखुरा बजाऊ नालायक हो ! नामले खाएकाहरु हो ।…तिमेरुको रीस उठोस बेस्सरी ! काम गर काम हावा तालका हो,’ धरानका मेयर साम्पाङले भने ।

राई र शाह स्वतन्त्र उम्मेदवारका रुपमा लौरो चिन्हबाट गएको स्थानीय निर्वाचनमा मेयरमा निर्वाचित भएका थिए ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2022 Deshko News