नेपाल श्रीलंकासँग ८ विकेटले पराजित



nepali-women-cricket-teamकाठमाडौं, मंसिर

महिला एशिया कप क्रिकेटको आफ्नो दोस्रो खेलमा नेपाल श्रीलंकासँग ८ विकेटले पराजित भएको छ ।

नेपालले लिएको २४ रनको झिनो लक्ष्य पछ्याएको श्रीलंकाले ४.३ ओभरमा २ विकेट गुमाएर इनिङ सुरु भएको २० मिनेटभित्रै पूरा गर्‍यो । श्रीलंकाका लागि हसिनी परेराले अविजित १७ र यशोधा मेण्डिसले ४ रन जोडिन् ।

बलिङमा नेपाली कप्तान रुविना क्षेत्री र करुणा भण्डारीले एक एक विकेट लिए ।

यसअघि बैंककमा टस हारेर पहिले ब्याटिङ गरेको नेपालले १६.२ ओभरमा २३ रन जोड्दा सबै विकेट गुमायो । १२ रन जोड्दा पहिलो विकेट गुमाएको नेपालले दोस्रो विकेट १९ रनमा गुमाएको थियो ।

थप ४ रन जोड्दा नेपाली टोली अलआउट भयो ।

नेपालकी ज्योती पाण्डेले सर्बाधिक १६ रन बनाइन् । सीता राना मगरले ४ र रुविना क्षेत्रीले एक रन जोडिन् । नेपालले दुई अतिरिक्त रन पाएको थियो । नेपालका सात ब्याट्सवुमन शून्यमा आउट भएका थिए ।

नेपालको इनिङ ध्वस्त पार्न श्रीलंकाका लागि इनोका रणभीरा र सुगान्धिका कुमारीले समान तीन तीन विकेट लिएका थिए ।

एशिया कप अन्तर्गत आफ्नो तेस्रो खेलमा नेपालले भोलि बंगलादेशसँग प्रतिस्पर्धा गर्नेछ ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2022 Deshko News