कांग्रेस केन्द्रीय अनुशासन समितिको बैठक बस्दै

काठमाडौं । नेपाली कांग्रेस केन्द्रीय अनुशासन समितिको बैठक बस्दैछ।

बैठक आज दिउँसो १ बजे ललितपुरको सानेपास्थित पार्टीको केन्द्रीय कार्यालयमा बस्ने तय भएको छ।

बैठकमा पार्टीको आन्तरिक अनुशासन, प्राप्त उजुरी र भावी कार्ययोजनाका बारेमा छलफल हुने बताइएको छ।

समिति सचिव दिनेश थापामगरका अनुसार समितिमा पार्टीहित र निर्देशन विपरीतका झण्डै ७०० उजुरी परेका छन्।

तिनै उजुरीउपर कारबाहीका लागि सिफारिस हुनेछ।

साथै बैठकमा सहभागी हुन समितिका सबै सदस्यहरूलाई निर्देशन दिइएको छ।