काठमाडाैं, मंसिर २२

आदिबासी जनजातिको साझा थलोको रुपमा स्थापित नेपाल आदिवासी जनजाति महासंघको ९ औं राष्ट्रिय महाधिवेशन पौष २ गतेदेखि चितवनमा हुने भएकाले यतिबेला महासंघको नयाँ कार्यसमितिमा कसको नेतृत्वमा नव कार्यसमिति बन्ला भन्ने आम आदिवासी जनजातिको चासोको विषय बनेको छ ।

आदिबासी जनजातिको हितमा हातेमालो गर्ने एउटा छाता संगठनमा बसेर जातिय मुद्दाको उठान गर्ने हेतुले आज आदिवासी जनजाति महासंघका उपाध्यक्ष, संगठन विभागका प्रमुख तथा भुजेल समाज सेवा केन्द्रिय समितिका अध्यक्ष सूर्य बहादुर भुजेल अध्यक्ष पदमा आफू निर्विरोध रुपमा अध्यक्षको जिम्मेवारी पाउने कुरामा दुईमत नै छैन, भन्छन् ।

राजनीतिक दलहरुको घुम्टो ओढेर जातियताको मूल मन्त्र जप्दै हिडेकाले महासंघमा नराम्रो ढुुसी पलाएको छ ढुसीको अन्त्य गर्नको लागि महासंघमा सूर्य भुजेलको नेतृत्व हुनु नितान्त आवश्यकता रहेको हुँदा आदिवासी जनजातिहरुले मलाई नै जिम्मेवारी दिनेमा आफू विश्वस्त रहेको भुजेल बताउँछन् ।

आदिवासी जनजातिको मूल मुद्दालाई किनारा लगाउँदै सदियौ देखि आदिवासी जनजातिहरुको मलिन मुहारको स्वरुप फेर्नको लागि नै उम्मेद्वारी दिएको भुजेल बताउँछन् ।

प्रकाशित मिति: २२ मंसिर २०७३, बुधबार