दुर्घटनामा एक जनाको मृत्यु
नवलपरासी,मंसिर २८
नवलपरासीको कावासोतीमा आज बिहान भएको सवारी दुर्घटनामा एक जनाको मृत्यु भएको छ ।
आज बिहान ३ बजे कावासोतीस्थित पेट्रोल पम्प नजिक लु ३ त १५७० नम्बरको ट्रयाक्टरले बाटोमा हिडिरहेका पैदलयात्रीलाई ठक्कर दिँदा उनको घटनास्थलमै मृत्यु भएको प्रहरीले जनाएको छ ।
मृत्यु हुनेमा कावासोती १६ का १४ वर्षीय सुवास बिक रहेको इलाका प्रहरी कार्यालय नवलपुरले जनाएको छ ।
ठक्कर दिने ट्रयाक्टर र चालकलाई प्रहरीले नियन्त्रणमा लिएको छ ।
प्रकाशित मिति: २८ मंसिर २०७३, मंगलबार
