काठमाडौं, मंसिर २९
प्रधानमन्त्री पुष्पकमल दाहालले स्थानीय निर्वाचन वैशाख पहिलो साता हुने गरी मिति घोषणा गरिने खुलाएका छन् । नेकपा माओवादी केन्द्रका अध्यक्षसमेत रहेका प्रधानमन्त्री दाहालले सरकारले स्थानीय निर्वाचन वैशाख पहिलो साताका लागि घोषणा गर्ने तयारी गरिरहेको बताएका छन् । अब चाँडै नै निर्वाचन मिति घोषणा हुने जानकारी गराउँदै प्रधानमन्त्रीले कुनै कारणवश वैशाख पहिलो साताका लागि निर्वाचन मिति घोषणा नभए ढिलामा वैशाख दोस्रो साताका लागि घोषणा हुने बताएका छन् ।

प्रधानमन्त्री दाहालले व्यवस्थापिका–संसद्मा दर्ता भएको संविधान संशोधनलाई थाती राखेर भए पनि निर्वाचनमा जान सकिनेसमेत खुलाएका छन् । संयुक्त मधेसी मोर्चाको नाम उल्लेख नगरी प्रधानमन्त्री दाहालले जसका लागि संविधान चाहिएको हो, उसैले समर्थन नगरे संविधान संशोधन थाती राखेर भए पनि अघि बढ्न सकिने पनि बताएका थिए । आजको राजधानी दैनिकमा सामाचार छ ।