काठमाडौं, माघ १९

व्यवस्थापिका संसद अन्तर्गतको विकास समितिले राष्ट्रिय यातायात सञ्जालका रुपमा रहेका महत्वपुर्ण पुलको निर्माण कार्य समयमै सम्पन्न गर्न सम्बन्धीत मन्त्रालयलाई निर्देशन दिएको छ । समितिको आज बसेको बैठकले बृहत अनुसन्धान र स्पष्ट मापदण्डका आधारमा मात्र पुल निर्माण गर्न, घोषण भइसकेका पुलको निर्माणकार्य ३ महिनाभित्र प्रारम्भ गर्न पनि सरकारी निकायलाई निर्देशन दिएको हो ।

मेची, कन्काई, अरुण तथा हुलाकी राजमार्ग अन्र्तगतका अधिकाशं ठूला पुलको टेन्डर भएपनि निर्माण शुरु नभएकोमा समितिले चासो राखेको छ । त्यस्ता पुलको निर्माण कार्य तत्काल शुरु गर्न अर्थ र भौतिक पूर्वाधार तथा यातायात मन्त्रालय, राष्ट्रिय योजना अयोग तथा सडक विभागलाई निर्देशन दिएको समिति सभापति रविन्द्र अधिकारीले बताउनुभयो । समितिले कम्तीमा ५० बर्ष सम्म टिकाउ हुने गरि पुल निर्माण गर्न समेत निर्देशन दिएको छ ।