निर्वाचन आयोगका लागि प्रस्तावित तीन आयुक्तको सुनुवाइ हुँदै



काठमाडौं, फागुन ३

संसदीय सुनुवाइ विशेष समितिले आज निर्वाचन आयोगका लागि प्रस्तावित तीन आयुक्तको संसदीय सुनुवाइ गर्दै छ ।समितिले हिजो आयुक्त उपर परेका उजुरीमा छलफल गरी आयुक्तको सुनुवाई प्रक्रिया अगाडि बढाउन लागेको हो । त्यसका लागि समितिको बैठक दिउसो १ बजेका लािग बोलाइएको छ ।

आजको बैठकमा तीनै जना प्रस्तावित आयुक्तको सुनुवाइ हुने समिति सचिव ध्रुवप्रसाद घिमिरेले बताए । समितिले गत माघ १९ गतेदेखि दश दिनको समय दिएर सरोकारवालासँग उजुरी माग गरेको थियो । सो अवधिमा एउटा मात्र उजुरी परेको बताइएको छ ।

प्रस्तावित आयुक्त सुधीरकुमार शाहविरुद्ध उजुरी परेको जनाइएको छ । उक्त उजुरीमा बालुवाटारमा रहेको सरकारी जग्गा निजी व्यक्तिको नाममा दर्ता गराउन सहयोग गरेको आरोप शाहलाई लगाइएकोे छ । संवैधानिक परिषद्ले गत माघ १४ निर्वाचन आयोगमा रिक्त तीन आयुक्त सिफारिस गरेको थियो । परिषद्ले पूर्वसचिवद्वय ईश्वरीप्रसाद पौडेल र नरेन्द्र दाहाललाई सिफारिस गरेको थियो ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2022 Deshko News