च्याम्पियन्स लिगमा इटालीको युभेन्टस र स्पेनको सेभिया विजयी



काठमाडौं, फागुन १२

युरोपियन च्याम्पियन्स लिग फुटबलअन्तर्गत बुधबार राती भएका खेलमा ईटालीको युभेन्टस र स्पेनको सेभिया विजयी भएका छन् । पोर्चुगलमा भएको खेलमा युभेन्टसले स्थानीय टोली एफ.सी पोर्टोलाई २-० ले हरायो । खेलमा युभेन्टसलाई विजयी गराउन मार्को पियाचा र ड्यानी आल्भेसले एक–एक गोल गरे ।

च्याम्पियन्स लिग राउन्ड अफ सिक्सटिन अन्तर्गत गएराति नै भएको अर्को खेलमा स्पेनको सेभियाले इङ्ल्यान्डको लेस्टर सिटीलाई २-१ ले हराएको छ । स्पेनमा भएको खेलमा घरेलु टोलीलाई विजयी गराउन पाब्लो साराबीया र वाकिम कोरीयाले एक–एक गोल गरे । लेष्टर सिटीका लागि जेमी भार्डीले एक गोल फर्काएका हुन् । हारसँगै लेष्टर सिटीको लागि अर्को चरण प्रवेशको सम्भावना कठिन बनेको छ ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2022 Deshko News