राप्रपा सांसद विना लामाको प्रश्न – राजसंस्था पक्षधरको धक्काले हो मन्त्री गायब भएको ?
काठमाडौं । राष्ट्रिय प्रजातन्त्र पार्टी (राप्रपा) सांसद विना लामाले राजसंस्थाको धक्काले मन्त्रीहरू संसदबाट भागेका हुन् ? भन्दै प्रश्न गरेकी छन् ।
प्रतिनिधिसभाको बैठकमा बोल्दै सांसद लामाले सो कुरा बताएकी हुन् ।
सांसद लामाले भनिन्,‘राजसंस्था पक्षधरको एक धक्काले हो कि मन्त्रीहरू गायब भएको ? तर आउनु भयो उहाँहरूलाई स्वागत छ तर जिम्मेवार बन्न सुझाव दिन चाहन्छु ।’
सांसद लामाले राष्ट्रिय प्राकृतिक स्रोत तथा वित्त आयोगले समानीकरण अनुदान वितरणको मापदण्ड आधार र यथार्थ नबनाई पक्षधरताको आधारमा बाँडफाँड गरेको बुझिएको भन्दै आयोगको स्वीकृति विना युएसएआडीको रकम दुरुपयोग भएको भन्दै त्यसको छानबिन गर्न माग गरिन् ।
प्रकाशित मिति: २८ फाल्गुन २०८१, बुधबार
