पाकिस्तानमा सैन्य कारबाहीमा ११ विद्रोही मारिए

इस्लामाबाद, १५ चैत । पाकिस्तानी सुरक्षा बलले देशको उत्तरपश्चिमी खैबर पख्तुनख्वा प्रान्तमा विगत दुई दिनमा चार छुट्टाछुट्टै कारबाहीमा ११ विद्रोहीलाई मारेको सेनाले जनाएको छ ।

इन्टर–सर्भिसेस पब्लिक रिलेसन्स (आईएसपीआर) ले जारी गरेको विज्ञप्ति अनुसार पाकिस्तानी सेनाले उत्तरी वजिरिस्तान जिल्लाको मीर अली क्षेत्रमा विद्रोहीहरूको उपस्थितिको बारेमा विश्वसनीय गुप्तचर रिपोर्टहरू पछि बिहीबार राती अपरेशन सुरु गरिएको थियो ।

आईएसपीआरका अनुसार मीर अलीमा गरिएको दोस्रो अपरेशनमा पनि सेनाले थप तीन विद्रोहीलाई मारेको छ । सेनाका अनुसार उत्तरी वजिरिस्तानको मिरान शाह क्षेत्रमा अर्को भिडन्त भएको थियो, जसमा पाँच विद्रोही मारिएका थिए ।

डेरा इस्माइल खान जिल्लाको दरबान क्षेत्रमा सुरक्षा बलले गरेको चौथो कारबाहीमा अर्को विद्रोही मारिएको आईएसपीआरले जनाएको छ । मारिएका विद्रोहीहरूबाट हतियार र गोला बारुद पनि बरामद गरिएको सेनाले जनाएको छ, जो धेरै विद्रोही गतिविधिहरूमा सक्रिय रूपमा संलग्न थिए ।

सेनाले यस क्षेत्रमा कुनै पनि बाँकी खतरा हटाउन क्लियरेन्स अपरेशन पनि सुरु गरिएको थियो । आतङ्कवाद अन्त्य गर्न, क्षेत्रमा शान्ति र स्थिरता सुनिश्चित गर्न आफ्नो अटल प्रतिबद्धता सेनाले दोहो¥याइएको थियो । पाकिस्तानका सुरक्षा बलहरू देशबाट आतङ्कवादको खतरा हटाउन आफ्नो मिशनमा दृढ रहेको आईएसपीआरले जनाएको छ ।