गाजामा इजरायली आक्रमणमा ७५ जनाको मृत्यु

एजेन्सी । गाजा सिटीमा इजरायली आक्रमणका कारण कम्तीमा ७५ जना प्यालेस्टिनीको मृत्यु भएको छ ।

गाजाको नागरिक सुरक्षा निकायका अनुसार एक आवासीय भवनमा गरिएको बम आक्रमणपछि भग्नावशेषमा फसेकाहरूको उद्धार जारी रहेको छ ।

गाजाको साबरा क्षेत्रमा रहेको सो भवनमा शनिबार बिहान गरिएको आक्रमणबारे प्यालेस्टिनी नागरिक सुरक्षा प्रवक्ता महमूद बासेलले जानकारी दिए ।

उक्त बम आक्रमणमा महिला र बालबालिकासहित कम्तीमा १६ जनाको ज्यान गएको पुष्टि गरिएको छ। उनका अनुसार करिब ८५ जना अझै भग्नावशेषमा फसेका छन् भन्ने अनुमान गरिएको छ।