इजरायलमाथि इरानले गरेको क्षेप्यास्त्र आक्रमणमा ५ जनाको मृत्यु
तेल अभिभ । आइतबार राति इरानले गरेको आक्रमणमा परेर पाँच जनाको मृत्यु भएको इजरायली आपतकालीन सेवाले बताएको छ । यस आक्रमणमा घाइते भएका ९२ जनालाई उपचारका लागि अस्पताल पठाइएको छ ।
शुक्रबारदेखि इरानी आक्रमणमा इजरायलमा मृत्यु हुनेको सङ्ख्या बढेर कम्तीमा १९ पुगेको इजरायली आपतकालीन सेवाले बताएको छ । दुवै देशले शुक्रबारदेखि नै एक अर्कामाथि आक्रमण गर्न थालेका थिए ।
यसैबिच, इरानको स्वास्थ्य मन्त्रालयले आइतबार इजरायली आक्रमणमा देशभर २२४ जनाको मृत्यु भएको बताएको छ ।
प्रकाशित मिति: २ असार २०८२, सोमबार
