इरानमा लाइभ कार्यक्रम चलिरहेको बेला टिभी च्यानलको भवनमा हानियो बम
एजेन्सी । इजरायलले इरानी राष्ट्रिय प्रसारण माध्यम (आईआईआरबी) मा प्रत्यक्ष प्रसारण भइरहेका बेला बम विस्फोट गराएको छ ।
यो हमला इजरायली सेनाले आईआईआरबी मुख्यालय समेत रहेको तेहरानको ‘जिल्ला तीन’मा आक्रमण गर्ने धम्की दिएको केही समयपछि भएको हो । इजरायली रक्षामन्त्री इस्रायल क्याट्सले इरानी प्रचार र प्रोपोगान्डा मुखपत्रको नामोनिसान मेटाउने बताएका थिए ।
प्रत्यक्ष प्रसारणमा धुवाँ र भग्नावशेष देखिएपछि टीभी एंकर सहार एमामीले मातृभूमि र सत्यविरुद्धको आक्रमण भन्दै यसलाई निन्दा गरेकी थिइन् ।
उनी बम विस्फोटबाट बच्न सफल भइन्। घटनाको भिडियो पनि सार्वजनिक भएको थियो, जसमा प्रस्तोता स्टुडियोबाट भागिरहेको देखिन्थ्यो।
उनको पछाडिको स्क्रिन कालो भयो। स्टुडियो फोहोर र धुवाँले भरिएको थियो। एक जना मानिसले अल्लाहु अकबर भन्दै गरेको सुनिएको थियो।
प्रकाशित मिति: ३ असार २०८२, मंगलबार
