इजरायलसँगको युद्ध रोकिएलगत्तै इरानका रक्षामन्त्री चीनमा

एजेन्सी । इरानका रक्षामन्त्री अजिज नासिरजादेह दुई दिने भ्रमणमा बुधबार चीन पुगेका छन् ।

इजरायलसँगको युद्ध रोकिएसँगै इरानका रक्षामन्त्री नासिरजादेह रक्षामन्त्रीहरूको बैठकमा भाग लिन चीन पुगेका हुन् ।

इरानी मिडियाका अनुसार नासिरजादेह सांघाई सहयोग संगठन (एससीओ) का सदस्य देशहरूका रक्षामन्त्रीहरूको बैठकमा भाग लिन चीन पुगेका छन् ।

चीन र रूसबाहेक, यसमा भारत, इरान, काजाकिस्तान, किर्गिस्तान, पाकिस्तान, ताजिकिस्तान, उज्बेकिस्तान र बेलारुस समावेश छन् ।