यी तीन प्रदेशका केही स्थानमा वर्षाको सम्भावना

काठमाडौं । हाल देशभर कुनै उल्लेखनीय मौसम प्रणालीको प्रभाव छैन ।

जल तथा मौसम विज्ञान विभाग, मौसम पूर्वानुमान महाशाखाका अनुसार आज देशका केही स्थानमा वर्षाको सम्भावना छ ।

आज दिउँसो कोसी, वाग्मती र गण्डकी प्रदेशको पहाडी भूभागका एक÷दुई स्थानमा हल्का वर्षाको सम्भावना छ ।

सातवटै प्रदेशको पहाडी भूभागमा आंशिक बदली रही बाँकी भूभागमा मुख्यतया सफा रहनेछ ।

आज रातिको समयमा भने देशभर मौसम मुख्यतया सफा रहने महाशाखाले जनाएको छ ।