विप्लव नेतृत्वको पार्टीले दियो निर्वाचन आयोगमा दल दर्ताको निवेदन
काठमाडौं। नेत्रविक्रम चन्द (विप्लव) नेतृत्वको पार्टीले निर्वाचन आयोगमा दल दर्ता गर्न निवेदन दिएको छ।
नेताहरू सन्तोष बुढामगर, प्रवक्ता खड्गबहादुर विश्वकर्मा, कर्णजित बुढासहितले आज आयोगमा पुगेर दल दर्ता निवेदन दिएका हुन्।
पार्टीको नाम ‘कम्युनिस्ट पार्टी नेपाल’ राखिएको नेताहरूले बताएका छन्।
प्रवक्ता विश्वकर्माले जेनजी आन्दोलनपछि परिस्थिति फरक भएको भन्दै फागुन २१ को निर्वाचनमा भएका जटिलताका बिच देश र जनताको आवश्यकता र हितलाई केन्द्रमा राखेर आफुहरु दल दर्ता गर्न आएको बताएका छन् ।
प्रकाशित मिति: ११ कार्तिक २०८२, मंगलबार
