ट्रम्पको धम्कीपछि आकस्मिक बैठक बस्दैछन् युरोपेली देश

ब्रसेल्स । ग्रीनल्यान्ड किन्ने योजनाको विरोध गर्ने आठ युरोपेली सहयोगी देशहरूमाथि अतिरिक्त भन्सार महसुल (ट्यारिफ) लगाउने अमेरिकी राष्ट्रपति डोनाल्ड ट्रम्पको धम्कीपछि युरोपेली संघका केही देशका राजदूतहरू आइतबार आकस्मिक बैठक बस्दैछन् ।

फेब्रुरुअरी १ देखि लागु हुनेगरी ट्रम्पले डेनमार्क, नर्वे, स्वीडेन, फ्रान्स, जर्मनी, बेलायत, नेदरल्यान्डस् र फिनल्यान्डमाथि १० प्रतिशत अतिरिक्त भन्सार महसुल लगाउँदै छन् ।

जुन १ देखि यसलाई बढाएर २५ प्रतिशतसम्म पुर्याइने भनिएको छ । महसुल अमेरिकाले ग्रिनल्याण्डको सम्पूर्ण र पूर्ण खरिदको लागि सम्झौता नगरेसम्मू कायम रहने बताइएको छ । नेटो सहयोगी राष्ट्रहरूको सामूहिक सुरक्षाका लागि लागि परेका सहयोगी राष्ट्रहरूमा कर लगाउनु पूर्णतया गलत भएको बेलायतका प्रधानमन्त्री केयर स्टारमरले भनेका छन् ।

यसलाई फ्रान्सका इमानुएल म्याक्रोँले अस्वीकार्य भनेका छन् । ट्रम्पको अधिग्रहण योजनाविरुद्ध शनिबार डेनिस सहरहरू साथै ग्रीनल्यान्डको राजधानी नुउकमा प्रदर्शनहरू आयोजना गरिएका थिए । आइतबार ईयूका राजदूतहरूको बैठक बस्दै छ, यो बैठक १६ः०० जीएमटीमा सुरु हुने युरोपेली संघका कूटनीतिज्ञहरूले बताएका रोयटर्सले समाचार छापेको छ ।