कर्णालीमा बजेट भाषण : ३ बजे समय तोकिए पनि अझै भएन सुरु
सुर्खेत । कर्णालीमा बजेट भाषण अझै सुरु हुन सकेको छैन । सोमबार दिउँसो ३ बजेका लागि समय तोकिए पनि चार बज्नै लाग्दा समेत बजेट भाषण सुरु भएको छैन ।
प्रदेश सभा सचिवालयका सूचना अधिकारी राजेन्द्र पौडेलले प्रदेश सभा तयारी अवस्थामा रहेको बताए ।
‘हामी तयारी अवस्थामा छौँ, उताबाट आउनुभएको छैन,’उनले भने,‘अलिकति समय लाग्छ भन्ने कुरा आएको छ ।’ स्रोतका अनुसार अहिले मुख्यमन्त्री तथा मन्त्रिपरिषद्को कार्यालयमा मन्त्रिपरिषद् बैठक बसिरहेको छ ।
मन्त्रिपरिषद्ले बजेट पारित गरिसकेपछि बजेट भाषणका लागि प्रदेश सभा जाने कार्यतालिका छ ।
प्रकाशित मिति: १ असार २०८३, सोमबार
