विपक्षीको विरोध प्रतिनिधिसभा बैठक १५ मिनेटका लागि स्थगित

काठमाडौं। प्रतिनिधि सभाको बैठक १५ मिनेटका लागि स्थगित भएको छ ।

श्रम संस्कृति पार्टीका सांसदहरूले लगातार बेल घेराउ गर्दै विरोध जनाएपछि सभामुख डोलप्रसाद अर्यालले बैठक स्थगन गरेको हो ।

आफूहरूले राखेको प्रश्नको जवाफ मन्त्रीले नदिएको भन्दै सो दल सम्बद्ध सांसदहरूले लगातार विरोध गर्दै आएको थियो ।

सभामुख अर्यालले आशन ग्रहण गरेर बैठक सञ्चालनमा सहयोग गर्न सांसदलाई पटक पटक आग्रह गर्दा पनि नमानेपछि बैठक स्थगित भएको हो ।

विनियोजन विधेयकमाथिको छलफलमा उठेको प्रश्नको जवाफ र स्पष्टीकरणका सन्दर्भमा प्रतिनिधिसभा बैठकमा छलफल जारी छ ।