धनगढीबाट बैतडीतर्फ जाँदै गरेको यात्रुवाहक बस दुर्घटना

बैतडी । बैतडीमा यात्रुवाहक बस दुर्घटना भएको छ ।

शुक्रबार दिउँसो धनगढीबाट बैतडी जाँदै गरेको सुपप्र ०१००१ ख ३९६३ नम्बरको बस बैतडी पाटन नगरपालिका–८ गैराखानमा दुर्घटनामा परेको हो ।

जिल्ला प्रहरी कार्यालय, बैतडीका अनुसार, बस सडकबाट करिब दुई सय मिटर तल खसेको छ।

प्रहरीका अनुसार, अहिले सम्म १६ जना घाइतेको उद्धार गरिएको छ ।

बसमा कति जना सवार थिए भन्ने यकिन छैन । अहिले उद्धार कार्य जारी रहेको छ ।

उद्धारमा नेपाल प्रहरी, सशस्त्र प्रहरी र स्थानीय बासिन्दा खटिएका छन्।

दुर्घटनाको विस्तृत विवरण आउन बाँकी रहेको छ।