इमाडोलमा युवतीमाथि अश्लील हर्कत गर्ने पुरुष सरकारी कर्मचारी, उजुरीपछि पक्राउ
ललितपुर । ललितपुरस्थित इमाडोलमा एक जना युवतीलाई अश्लील हर्कत गर्ने एक पुरुषलाई प्रहरीले पक्राउ गरेको छ।
पक्राउ पर्नेमा बैतडी घर भई हाल इमाडोल बस्दै आएका ५५ वर्षीय सुरेन्द्र भट्ट रहेका छन् ।
भट्ट शिक्षा विकास तथा समन्वय इकाईमा कार्यरत सरकारी कर्मचारी हुन् ।
भट्टले आइतबार साँझ साढे ६ बजेतिर एक्लै बाटोमा हिँडिरहेकी युवतीलाई गोप्य अंग देखाउँदै अश्लील हर्कत गरेका थिए ।
आफूमाथि अशिलल हर्कत गरेपछि ती पुरुषलाई फलो गर्दै युवतीले भिडियो खिचेकी थिइन् । त्यसपछि पीडित युवतीले उक्त भिडियो सामाजिक सञ्जाल टिकटकमा अपलोड गरेकी थिइन् ।
पीडितले ती पुरुषलाई पक्राउ गर्न भन्दै प्रहरी प्रभाग इमाडोलमा निवेदन समेत दिएकी थिइन् ।
सोही आधारमा भट्टलाई पक्राउ गरिएको जिल्ला प्रहरी परिसर ललितपुरले जनाएको छ ।
साथै प्रहरीले सिसिटिभी फुटेज संकलन गरी घटनाबारे थप अनुसन्धान गरिरहेको छ ।
प्रकाशित मिति: २२ असार २०८३, सोमबार
