दाङको जंगलमा ११ नाल भरुवा बन्दुक बरामद
दाङ । दाङको बङ्गलाचुली गाउँपालिका–८ पिपली जंगलबाट प्रहरीले ११ नाल भरुवा बन्दुक बरामद गरेको छ।
जिल्ला प्रहरी कार्यालय दाङका अनुसार घोरलभिरस्थित झाडीमा लुकाइराखिएको अवस्थामा उक्त बन्दुकहरू फेला परेका हुन्।
प्रहरी चौकी रामपुरबाट प्रहरी सहायक निरीक्षकको नेतृत्वमा खटिएको टोलीले बुधबार बिहान करिब ९ बजे खोजतलासका क्रममा एक नाल बेचालु र १० नाल चालु (लोड नगरिएका) भरुवा बन्दुक बरामद गरेको जनाएको छ।
बरामद गरिएका बन्दुक कसले, कहिले र किन त्यहाँ लुकाएको भन्ने विषयमा अनुसन्धान भइरहेको प्रहरीले जनाएको छ।
घटनाबारे थप अनुसन्धान अघि बढाइएको छ।
प्रकाशित मिति: ६ श्रावण २०८३, बुधबार
