अन्तर्राष्ट्रिय खुला कराते प्रतियोगिताको उपाधि नेपाललाई, भारत दोस्रो



काठमाडौँ, वैशाख ३१
नेपालले तेस्रो अन्तर्राष्ट्रिय खुला कराते प्रतियोगिताको उपाधि आज हात पारेको छ ।

नेपाल वादोरियो कराते डो संघद्वारा आयोजित प्रतियोगितामा नेपालले १४ स्वर्ण, १७ रजत र ३७ कास्य जित्दै टिम च्याम्पियनसमेत बन्यो । दोस्रो भएको भारतले ११–११ स्वर्ण, रजत र कास्य हात पार्यो ।

तेस्रो स्थानमा चित्त बुझाएको भुटानले तीन तीन स्वर्ण र रजत तथा चार कास्य प्राप्त गर्यो । पाँच राष्ट्र सहभागी दुईदिने उक्त प्रतियोगितामा तीन स्वर्ण र आठ कास्यसाथ श्रीलंका चौथो तथा दुई दुई स्वर्ण र कास्यसाथ मलेसिया पाँचौँ भए ।

पुरुषमा नेपालका कुइसाङ लामा र महिलामा नेपालकै विविका श्रेष्ठ उत्कृष्ट खेलाडी चुनिए । विजेतालाई पूर्वप्रधानमन्त्री माधवकुमार नेपाल, आयोजक संघका अध्यक्ष एवं नेपाल कराते महासंघका महासचिव हरिशरण केसीलगायतले पुरस्कार प्रदान गर्नुभयो । प्रतियोगितामा ३५० खेलाडीले ३३ स्वर्णका लागि प्रतिस्पर्धा गरेका थिए ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2021 Deshko News