घरघरमै धारा जडान भएपछि स्थानीय हर्षित



पाँचथर, जेठ ४
पाँचथरको फिदिम नगरपालिका–११ स्थित डाँडागाउँमा घरघरमा धारा निर्माण भएपछि त्यस क्षेत्रका स्थानीय हर्षित भएका छन् । त्यस वडामा रहेका ६९ घरधुरीका प्रत्येक घरमा धारा निर्माण भएपछि स्थानीय हर्षित भएका हुन् । यस्तै एउटा मुहान र चारवटा बिपी ट्यांकी निर्माण गरिएको छ ।

ग्रामीण खानेपानी तथा सरसफाइ कोष विकास समिति ९फन बोर्ड० तथा हुसाडेक नेपालको रु ३६ लाख ५० हजार आर्थिक सहयोग, तथा स्थानीयको रु २३ लाख जनश्रमदान र प्रशासनिक खर्च रु एक लाख ५० हजार गरी कूल रु ६१ लाखको लागतमा आयोजनाको निर्माण कार्य सकिएको समन्वयकारी संस्था नेपाल रेडक्रस सोसाइटी, जिल्ला शाखा पाँचथरका कार्यकारी अधिकृत तथा यस आयोजनाका टिम लिडर गुरुराज तिम्सिनाले जानकारी दिनुभयो ।

गत ०७४ असारमा शुरु भएको आयोजना १० महिनापछि ०७४ चैतमा सकिएको जल वर्ने खानेपानी तथा सरसफाइ उपभोक्ता समितिका अध्यक्ष यज्ञविक्रम न्यौपानेले जानकारी दिनुभयो ।

यसअघि धारा निर्माण हुनुपूर्व त्यहाँ पानीको विकराल समस्या रहेको उहाँले बताउनुभयो । कुवाको पानी बोकेर खानुपर्ने बाध्यता रहेको थियो तर अब त्यो समस्याबाट आफूहरु मुक्त भएको उहाँले बताउनुभयो । रासस

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2021 Deshko News