आगलागीबाट तीन लाख बढीको क्षति

सुनसरी, जेठ १६

सुनसरीको बर्जु गाउँपालिका–२ मा गएराती आगलागी भएको छ । आगलागीबाट स्थानीय रामप्रकाश राई, जामुलाल राई, छेवुलाल राई र सोतीलाल राईको चार वटा फुसको घर जलेर नष्ट भएको प्रहरी चौकी अमडुवाले जनाएको छ ।

राती करिब ११ बजेतिर रामप्रकास राईको घरमा चौपायाका लागि बालेको घुरबाट आगलागी भएको थियो । आगलागीबाट फुसका चार वटा घर जल्दा अन्दाजी तीन लाख पचास हजार बराबरको क्षति भएको बताइएको छ । आगोलाई प्रहरी चौकी अमडुवाबाट खटिएको टोलीको सहयोगमा स्थानीयबासीहरुले नियन्त्रणमा लिएका थिए ।