रामधुनीमा पशु बधशाला सञ्चालनमा



इटहरी, जेठ १७

सुनसरीको रामधुनी नगरपालिकाले नगर क्षेत्रका मासु उपभोक्तालाई स्वस्थ मासु आपूर्ति गर्ने उद्देश्यले निर्माण गरेको पशु बधशाला आजबाट विधिवत रुपमा सञ्चालनमा ल्याएको छ ।

रामधुनी नगरपालिका– १ मा पशुपक्षी बजार निर्देशनालय काठमाडाँै वल्डभिजन र स्थानीय रामधुनी नगरपालिकाको साझेदारी गरी कूल रु ८० लाखको लागतमा निर्माण सम्पन्न उक्त पशु बधशालाका उप–प्रमुख सविना चौधरीले उद्घाटन गर्नुभयो । उहाँले जुन उद्देश्यले यसको निर्माण भएको हो त्यही उद्देश्य अनुरुपको स्वस्थ र स्वच्छ मासु उपलब्ध गराउनुपर्ने बताउनुभयो ।

सो बधशालामा पशुको बध गर्नुअघि बेहोस बनाउने मेशिन, ब्वाइल गर्ने मेशिन तथा मासु भण्डारण गर्ने उपकरण लगायतको मासु स्वस्थ राख्न प्रयोग गरिने सबै प्रकारका उपकरण जडान गरिएको छ । पशु बधशालामा बध गरिएका स्वस्थकर मासु उपभोक्तासम्म सहज रुपमा उपलब्ध गराउनका लागि रामधुनीको झुम्का बजारमा हाल रु २० लाखको लगानीमा चार कोठे मिटमार्ट भवनसमेत निर्माण हुँदै छ । रासस

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2021 Deshko News