भोजपुर-काठमाडौं सम्पर्क मन्चकाे बनभाेज कार्यक्रम

काठमाडाैं, चैत्र १

नेकपा (एमाले) भोजपुर-काठमाडौं संपर्क मन्चले बनभोज कार्यक्रम सम्पन्न गरेको छ । ललितपुरको श्वेत बाराही मन्दिर परिसरमा संचालित बनभोजका प्रमुख अतिथी नेकपा एमालेका स्थायी कमिटी सदस्य छबिलाल विश्वकर्मा हुनुहुन्थ्यो। भोजपुरबाट काठमाडौं आई बिभिन्न पेशा ब्यवसाय गरी बस्ने भोजपुरेबिच भातृत्व, एकता र भाईचारा स्थापना गर्ने उद्धेश्यले आयोजित बनभोजमा संक्षिप्त सभालाई संबोधन गर्दै पार्टी केन्द्रिय सदस्य घनेन्द्र बस्नेतले नेता तथा कार्यकर्ताहरुको जीवनशैली सरल र सादा हुन सक्नुपर्ने आवश्यकता औल्याउनुभयो।

संपर्क मन्च उपाध्यक्ष शारदा घलेले स्वागत मन्तब्य राख्नुभएको थियो। मन्चका अध्यक्ष रेजिन श्रेष्ठको अध्यक्षतामा संचालित बनभोजमा बिभिन्न कलाकार र नर्तकले आ-आफ्ना कला प्रस्तुत गरेका थिए। बिभिन्न समयमा सम्पर्क मन्चलाई महत्वपूर्ण सहयोग तथा योगदान पुर्याउने महानुभाबलाई कदर पत्र पनि प्रदान गरिएको थियो।