एजेन्सी,
बंगलादेशविरुद्धको तीन खेलको टी–२० क्रिकेट सिरिजका लागि भारतले कप्तान बिराट कोहलीबिना नै टीम घोषणा गरेको छ । भारतीय क्रिकेट कन्ट्रोल बोर्ड (बीसीसीआई)ले नियमित कप्तान कोहलीलाई विश्राम दिइएको जनाएको छ । टीपका ओपनर रोहित शर्माको कप्तानीमा टोली घोषणा गरिएको हो ।

टोलीमा विकेटकिपर सन्जु स्यामसनले चार वर्षपछि स्थान बनाएका छन् । आइपीएलमा उत्कृष्ठ प्रदर्शन गरेका सञ्जुले २०१५ पछि टोलीमा पुनरागमन गरेका हुन् ।

अलराउण्डर शिवम दुबेले पनि पहिलो पटक स्थान बनाएका छन् । भारत र बंगलादेशबीच पहिलो टी–२० खेल कार्तिक १७ गते दिल्लीमा हुँदैछ । दोस्रो र तेस्रो खेल २१ गते र २४ गते हुनेछ ।

प्रकाशित मिति: ८ कार्तिक २०७६, शुक्रबार