काठमाडौं, माघ ९
चर्चित हास्यकलाकार हरिवंश आचार्यको नयाँ गीत सार्वजनिक भएको छ । हास्यकलाकार तथा गायक हरिवंश आचार्य र टिका प्रसाईको सुमधुर स्वरमा रहेको ‘म त परे माकुरीको जालमा परेर’ बोलको गीत बुधबार सार्वजनिक भएको हो ।

एक कार्यक्रम आयोजना गरी हास्यकलाकार तथा गायक हरिवंश आचार्यले महसंचार युट्युब च्यानल मार्फत गीतको भिडियो सार्वजनिक गरेका हुन् ।

गीतमा शब्द हिरण्य भोजपुरेको रहेको छ भने संगीत हरिशरणको रहेको छ । गीतको भिडियोमा हास्यकलाकार हरिवंश आचार्य आफ्नै र गायिका टिका प्रसाईको अभिनय पनि छ । गीतको भिडियोलाई आराध्या लक्ष्मी खड्कीले निर्देशन गरेका हुन् ।

प्रकाशित मिति: ९ माघ २०७६, बिहिबार