महिलाको आर्थिक उन्नतिबाट मात्रै आर्थिक विकास : देउवा
काठमाण्डौ , कार्तिक ३
नेपाली कांग्रेसका सभापति शेरबहादुर देउवाले दक्षिण एसियाको आर्थिक विकासका लागि यस क्षेत्रका महिलाको आर्थिक क्षमता वृद्धि गर्नु आवश्यक भएको बताएका छन् ।
दक्षिण एसियाली महिला विकास फोरमको दुई दिने अन्तर्राष्ट्रिय सम्मेलनको आज राजधानीमा उद्घाटन गर्दै कांग्रेस सभापति देउवाले यस क्षेत्रका महिलाको आर्थिक उन्नतिबाट मात्रै आर्थिक विकास सम्भव हुने बताएका हुन् ।
त्यसका लागि सबै एकजुट हुनुपर्ने उनको भनाइ थियो ।
कार्यक्रममा फोरमकी अध्यक्ष प्रमिला आचार्य रिजालले सम्मेलनले दक्षिण एसियाका महिलाबीच आर्थिक सशक्तीकरण र उद्यमशीलताका लागि विशेष योगदान पुर्याउने विश्वास व्यक्त गरे ।
उनले दक्षिण एसिया अझै पनि गरिबी र पछौटेपनले ग्रस्त भएको भन्दै यसबाट मुक्ति दिलाउन महिला उद्यमशीलतामा विशेष जोड दिनुपर्ने बताए ।
प्रकाशित मिति: ३ कार्तिक २०७३, बुधबार
