एजेन्सी, कार्तिक ८
एकजना पाकिस्तानी पत्रकार अफ्रिकी मुलुक केन्यामा मारिएका छन् ।

पाकिस्तानी सेना र राजनीतिक संस्थापनका प्रखर आलोचक एवम् पूर्वप्रधानमन्त्री इमरान खानको समर्थक मानिने पत्रकार अर्शद शरिफको केन्यामा गोली हानी हत्या भएको हो ।

केन्याको राजधानी नैरोबी नजिकै रहेको काजिआदो क्षेत्रमा उनी मारिएको जनाइएको छ । सवारीमा यात्रा गरिरहेका बेला प्रहरीले जाँच गरिरहेको स्थानमा उनलाई प्रहरीले गोली हानेको बताइएको छ ।

उनी चढेको गाडी प्रहरीले जाँच गरिरहेको स्थानमा नरोकिएपछि गोली प्रहार गरिएको केन्याको प्रहरीले जनाएको छ ।

प्रकाशित मिति: ८ कार्तिक २०७९, मंगलबार