मिनीबस खाल्डामो खस्दा २५ जना जनाको मृत्यु
अफगानिस्तान । अफगानिस्तानको उत्तरी सारी पुल प्रान्तमा बुधबार सडक दुर्घटनामा परि २५ जनाको मृत्यु भएको छ ।
एउटा मिनीबस खाल्डोमा खस्दा २४ यात्रुको मृत्यु हुनुका साथै अन्य घाइते भएका प्रान्तीय प्रहरी प्रवक्ता दिन मोहम्मद नाजारीले बिहीबार जानकारी दिएका हुन् ।
चालकको लापरबाहीका कारण बुधबार साँझ सयद जिल्लामा भएको उक्त दुर्घटनामा १२ जना महिला, आठ बालबालिका र चार जना पुरुषले ज्यान गुमाएका प्रवक्ता नाजारीले बताए ।
युद्धग्रस्त अफगानिस्तानमा बुधबार भएको यो दोस्रो सडक दुर्घटना हो । यसअघि बुधबार बिहान मध्य बामियान प्रान्तमा भएको सडक दुर्घटनामा १४ यात्रु घाइते भएका थिए ।
भीडभाड भएका सडकहरूमा लापरवाहीपूर्ण ढङ्गले सवारी चलाउँदा अफगानिस्तानमा प्रायः घातक दुर्घटना हुने गरेका छन् ।
प्रकाशित मिति: २५ जेष्ठ २०८०, बिहिबार
