घाइते भएपछि पाकिस्तानका खेलाडी नसिम शाह एसिया कपबाट बाहिरिए
कोलम्बो । भारतविरुद्धको सुपर फोर खेलका क्रममा चोट लागेर घाइते भएका पाकिस्तानका तीव्र गतिका बलर नसिम शाह एसिया कपबाट बाहिरिएका छन् ।
आगामी महिनाबाट सुरु हुने एकदिवसीय विश्वकपलाई ध्यानमा राख्दै आवश्यक सावधानी अपनाइएको जनाएको छ । उनको स्थानमा जमान खानलाई टोलीमा बोलाइएको छ ।
जमानले पाकिस्तानको टोलीसँग प्रशिक्षकसमेत सुरु गरिसकेको पीसीबीको भनाई छ ।
भारतविरुद्धको खेलमा रिजर्भ डेमा बलिङ नगरेका ह्यारिस राउफको पनि स्वास्थ्यमा सुधार भइरहेको बोर्डले जानकारी दिएको छ । टोली भारतसँग २२८ रनको विशाल अन्तरले पराजित भएको थियो ।
प्रकाशित मिति: २८ भाद्र २०८०, बिहिबार
