विदेशमा रहेका नेपालीलाई मताधिकारबाट बञ्चित हुन दिन्नौं : प्रधानमन्त्री प्रचण्ड
काठमाडौं, असाेज १
प्रधानमन्त्री पुष्पकमल दाहाल ‘प्रचण्ड’ले विदेशमा रहेका नेपालीलाई मतदानको व्यवस्था गरिने बताएका छन् ।
संयुक्त राष्ट्रसंघको ७८ औं महासभामा सहभागि हुन अमेरिका पुगेका प्रधानमन्त्री प्रचण्डले न्युयोर्कमा पत्रकारसँगको भेटमा उनले यस्तो बताएका हुन् । उनले विदेशमा रहेका नेपालीलाई मतदानको व्यवस्था गरिने आश्वासन दिए ।
‘विदेशमा रहेका नेपाली नागरिकहरुलाई मतदानको व्यवस्था मिलाउन निर्वाचन आयोगलाई निर्देशन दिएका छौँ । अब विदेशमा बस्ने कसैलाई पनि मतदानको अधिकारबाट बञ्चित गरिने छैन’, प्रधानमन्त्री प्रचण्डले भने ।
उनले भ्रष्टाचार नियन्त्रण र सुशासनका लागि जस्तो सुकै कदम चाल्न पनि सरकार तयार रहेको पनि बताए ।
प्रकाशित मिति: १ आश्विन २०८०, सोमबार
