काठमाडौं, मंसिर २७

सरकारले ल्याएको संविधान संशोधन प्रस्तावको विरोधमा रहेको नेकपा एमालेका भातृ संगठनहरुले आज राजधानीमा दौड जुलुस निकाल्ने तयारी गरेको छ ।

संशोधनको प्रस्तावको विरोधमा आज माइतीघर मण्डलादेखि नयाँबानेश्वरसम्म दौड प्रदर्शन गर्न लागिएको अनेरास्ववियुकी अध्यक्ष नबिना लामाले जानकारी दिइन  ।

विरोध प्रदर्शनमा एमालेका सबै भातृ संगठनको सहभागीता रहने बताइएको छ ।

सरकारले संसद सचिवालयमा दर्ता गरेको संविधान संशोधनको विरोधले एमालेले मुलुकभर विभिन्न चरणको आन्दोलन गर्दै आएको छ ।