सहमतिका लागि सभामुखले सामुहिक छलफलको पहल गर्दै



काठमाडौं पुस ४
सभामुख ओनसरी घर्तीले दलहरुलाई सहमतिमा ल्याउन सामुहिक छलफल सुरु गर्ने भएकी छन् ।

यसअघि एक्ला एकलै छलफल गरेकी घर्तीले सत्तापक्ष र प्रतिपक्षबीच विवाद चर्किएका बेला सोमबार प्रमुख तीन दलका शीर्ष नेताहरूको बैठक डाकेकी छन् ।

संविधान संशोधन विधेयक दर्ता गराउने सरकारी कदमको विरोधमा प्रमुख विपक्षी एमालेसहितका आठ दलले निरन्तर संसद् अवरोध गरिरहेका बेला सभामुखले सत्तापक्ष–प्रतिपक्षका शीर्ष नेताहरूलाई एकै ठाउँमा राख्न गरेको यो दोस्रो प्रयास हो ।

यसअघि मंसिर २३ मा तीन दलका शीर्ष नेताको बैठक डाक्दा प्रधानमन्त्री पुष्पकमल दाहालले समय दिएका थिएनन् । दाहालले समय नदिएपछि सभामुख घर्तीले कांग्रेस सभापति शेरबहादुर देउवा र एमाले अध्यक्ष केपी ओलीसँग छुट्टाछुट्टै छलफल गरेकी थिइन् ।

छलफलमा दुवै नेताले संवादबाटै सदनको गतिरोध अन्त्य गर्ने प्रतिबद्धता जनाएका थिए ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2022 Deshko News